Mbrojtësi i Chelseat, Cesar Azpilicueta, ka deklaruar se bashëkombësi i tij. Andres Iniesta, nuk do të pritet mirë nga tifozët londinezë.

Mefushori katalan, Iniesta, kishte shënuar golin e famshëm të gjysmëfinales së vitit 2009 të Ligës së Kampionëve, ndërmjet Chelsea dhe Barcelonës, në minutat e fundit të takimit, për ta kualifikuar në finale.

Iniesta javën e kaluar ka thënë se do të jetë një rikthim i veçantë për të në Stamford Bridge, por kështu nuk mendon Azpilicueta.

“Më kujtohet sa isha në Osasunë, kur ai e shënoi atë gol duke dërguar Barçën në finale”.

“Ajo ndryshoi historinë aq shumë sa që mendoi se tifozët e Chelseat ndjejnë këtë në zemrën e tyre”.

“Mendoj se Iniesta vazhdon të jetë makth dhe nuk mendoj se do të ketë pritje të mirë për të”, potencoi Azpilicueta.

https://twitter.com/ChelseaFC/status/965303911127990272?ref_src=twsrc%5Etfw&ref_url=https%3A%2F%2Ftelegrafi.com%2Fazpilicueta-iniesta-nuk-eshte-mirepritur-ne-stamford-bridge%2F

Ai shtoi se Liga e Kampionëve mbetet synimi kryesor për Chelsean pasi diferenca në Ligën Premier është plot 19 pikë. /arbresh.info/